Dalin detaje të reja rreth sasisë së drogës e cila u sekuestrua mëngjesin e sotëm në fshatin Bulgarec.
Burime konfidenciale thonë se sasia e drogës ishte e ndarë në 49 thasë.
Nga detajet e reja droga e llojit canabis sattiva u gjet në një banesë në fshatin Bulgarec, 10 km larg Korçës.
Po të njëjtat burime thonë se bimët ishin të thata dhe boçet nuk ishin ndarë nga degët.
Teksa dyshohet se lënda narkotike ishte magazinuar në shtëpite e 45 vjeçarit për tu tharë.
Ndërkaq grupi hetimor thotë se droga është mbjelle disa muaj më pare në territorin e juglindjes.
Dyshimet janë se droga kishte destinacion shtetin grek. Vijon puna për zbardhjen e plotë të ngjarjes.
Ndërsa dyshime të forta ka për persona të tjerë të dyshuar si posedues të drogës.
Për Lajm-shqip
Ledjona Xheladinaj
