Borë në juglindje. Probleme në rrugën e Dardhës.
Juglindja është pushtuar nga reshjet e borës. Reshjet më intensive janë regjistruar në Dardhë dhe Kapshticë.
Sipas të dhënave nga autoriteti i mbarëvajtjes së rrugëve, problem në qarkullim mbeten disa akse.
Konkretisht aksi Korçë-Dardhë dhe Korçë-Kapshticë janë të kalueshme me zinxhirë.
Borë në juglindje. Probleme në rrugën e Dardhës…
Në fshatin turistik të Dardhës trashësia e borës ka arritur 40 cm.
Në terren ndodhen borëpastrueset të cilat po punojnë për pastrimin dhe kriposjen e rrugës.
Ndërkaq prej orëve të para të mëngjesit është normalizuar situata në akset e tjera nacionale.
Të gjitha janë të kalueshme pa problem.
Reshjet e borës kanë shkaktuar probleme në furnizimin me energji elektrike.
Në Vithkuq, Devoll dhe Moglicë ka mungesa, ndërsa po punohet për riparimin e defektit.
Ndërkaq Dardha është pushtuar edhe nga turistët këtë fundjavë.
Mbetet një nga destinacionet më të preferuara sidomos në stinën e dimrit.
Ledjona Xheladinaj
11.02.2018
