Policia ka dhënë detaje lidhur me ngjarjen e ndodhur në orët e para të mengjesit në Lezhë – Shëngjin, ku pas rënies së gurëve nga mali mbi autobus u plagosën dy vajza të reja.
Shoferi i autobusit që u godit nga një masiv shkëmbor i cili ka rënë nga mali në vendin e quajtur Knallë në Shëngjin ka folur per mediat dhe ka tregur momentet e tmerrit.
Dy vajza që ishin brenda mbetën të plagosura. Njëra prej tyre në “Qendrën e Traumës Tiranë” dhe tjetra në spitalin e Lezhës.
Duke folur për ‘’Fax News’’, drejtuesi i mjetit u shpreh se ky është një aks problematik, dhe se nevojitet që të vendoset një rrjet, pasi terreni ka vazhdimisht rrëshqitje. Sipas tij fatmirësisht gurët kanë prekur pjesën fundore të autobusit, pasi pasojat mund të ishin edhe më të rënda. Në mjet në momentet kur kanë rënë gurët kanë qenë rreth 50 persona. Një prej vajzave të aksidentuara është dërguar në spitalin e Traumës në Tiranë, për të marrë një mjekim më të specializuar.
Bien gurë nga mali mbi autobusin, njërën nga të plagosurat e nisin drejt Tiranës
Njoftimi i policisë
Më datë 06.06.2018, rreth orës 06:42, është marrë njoftim se në rrugën Lezhë – Shëngjin, tek vendi i quajtur “Knalla”, një masiv shkëmbor është shkëputur nga mali dhe i ka rënë një autobusi me targa AA 971 JZ, me drejtues shtetasin P.P. i cili po kalonte aty në ato momente.
Për pasojë janë dëmtuar 2 shtetase, K.D. 21 vjeçe banuese në Zejmen e cila është transportuar për në Qendrën e Traumes në Tiranë, dhe shtetasia B.Z. 23 vjeçe banuese në Tresh, e cila ndodhet në spitalin Rajonal Lezhë nën kujdesin e mjekëve, jashtë rrezikut për jetën.
Grupi hetimor në bashkëpunim me Prokurorinë e Rrethit Gjyqësor Lezhë vazhdojnë hetimet në vendngjarje për zbardhjen e plotë të rrethanave të aksidentit.
Për lajm-shqip:
Jorida Fataj
06.06.2018
