Berisha: Pranimi i ish-ISIS, nga Rama, është ‘harakiri’ për Shqipërinë…jo për të! Vetëvrasje, e ka cilësuar ish-kryeministri Sali Berisha, në rast se Shqipëria do të pranonte 600 mijë emigrantë Sirianë, mes tyre dhe ish-luftëtarë të ISIS.
Berisha: Pranimi i ish-ISIS nga Rama është ‘harakiri’ për Shqipërinë…jo për të!
Sipas Berishës, Shqipëria nuk ka as mundësitë dhe as kapacitetet për të menaxhuar ish-ISIS. Ai tha se Rama e ka bërë këtë gjë, vetëm për të marrë hapjen e negociatave pa kushte. Ja çfarë tha Berisha:
‘Unë jam absolutisht kundër! Nëse Shqipëria pranon të marrë ish-luftëtarët e ISIS, Shqipëria bën vetëvrasje. Shqipëria po eksporton krim në Europë. I vetmi vend në Europë që nuk mund të menaxhojë, është Shqipëria… Si u mbajtën refugjatët e Kosovës? 700 mijë prej tyre u mbajtën nga familjet shqiptare. Por a mbajnë familjet shqiptare terroristë të ISIS? Asnjë, ua them unë. I bëj thirrje qeverisë italiane mos pranojë një nisëm të tillë, sepse të gjithë ata do vërshojnë me thirrje drejt Italisë. U bëj thirrje vendeve të BE-së që mos i besojnë Edi Ramës. Sepse aq sa realizoi armët kimike do të realizojë edhe këtë. Rama e bën të gjithë këtë për hapjen e negociatave pa kushte’, tha Berisha.
Por nuk ka qenë ky reagimi i vetëm i ardhur nga rradhët e politikës shqiptare. Ka ardhur gjithashtu dhe reagimi i parë i një pjesëtari të qeverisë Rama në lidhje me shqetësimin e ngritur në media për “parkingjet” e refugjatëve. Pandeli Majko është i pari që reagon përmes një statusi të gjatë në rrjetet sociale.
Pandeli Majko është i pari që reagon përmes një statusi në rrjetin social FB, për çështjen…
Ministri për Diasporën fillimisht kritikon median shqiptare, e cila sipas tij bën gjënë e gabuar kur transmeton lajmet për mundësinë e implantimit të këtyre kampeve në tokën shqiptare, një variant që sipas Majkos nuk është në tavolinë. Ja çfarë shkruan Majko:
“Lajmet se në Shqipëri do të hapen kampe për 600 mijë refugjatë sirianë janë përtej cdo gadishmërie e imagjinate për një prej kombeve më të vjetër të Europës sic janë shqiptarët. Mediat mund të japin lajme por jo të nxisin panik në një popull që është një shembull në atë cfarë ofron për të huajt”, shkruan Majko.
Ndërsa Majko e mbyll komentin e tij për këtë çështje me fjalët: Nëse ardhja e refugjatëve sirianë, vlerësohet si e nevojshme nga BE, mund shumë mirë të vijnë dhe në Shqipëri.
Leonard Xhelili
19.06.2018
