Berat operacioni ‘Çelepiasi’ boom arrestimesh dhe droge. Operacioni antidrogë “Çelepiasi”, katër në pranga sekuestrohen 17 doza heroinë. Drejtori i Policisë së qarkut të Beratit, Artiol Duka ka dalë sot publikisht në deklaratë për mediat.
Berat operacioni ‘Çelepiasi’ boom arrestimesh dhe droge.
Ai ka deklaruar arrestimin e katër personave, të cilët shpërndanin heroinë në qytet. Shtetasit e arrestuar janë Argent Myftari, 31 vjeç, Françesko Mehmetaj, 19 vjeç, Alvaro Merka, 37 vjeç dhe Geri Molishti, 36 vjeç. Gjatë kontrollit në banesat e tyre iu gjetën 17 doza Heroinë me peshë 3.5 gram. Ndër të tjera u gjendën një dozë Cannabis Sativa, fara të dyshuara narkotike dhe një bimë e kultivuar narkotike. Gjithashtu u zbuluan edhe një çifte me 4 fishekë si dhe një shumë lekësh, tre telefona dhe dy automjete. Prej disa kohësh ata shpërndanin heroinë në pika dhe vende të ndryshme të qytetit. Pas gati një muaj hetimesh policia deklaroi sot përfundimin e aksionit. Materialet e kësaj çështje i kaluan Prokurorisë së Rrethit Gjyqësor Berat.
Për Lajm-Shqip
Ledjona Xheladinaj
