Kapet 1 ton kokainë në Bavari, e çuan shqiptarët. Hetuesit bavarezë kanë kapur një bandë ndërkombëtare të trafikantëve të drogës dhe konfiskuan gati një ton kokainë.
Bavari: Kapet në kuti bananesh 1 ton kokainë, arrestohen 12 shqiptarë
Siç raportohet nga Zyra Shtetërore e Policisë Kriminale të hënën, dymbëdhjetë të dyshuar kryesisht nga Shqipëria u arrestuan. Droga u kontrabandua në kuti bananesh.
Identitet e personave të arrestuar, nuk bëhen me dije.
Hetimi çoi në përfundimin se një total prej rreth 1.8 ton kokainë ishte tregtuar nga grupi kriminal për një vlerë tregu prej 400 milionë eurosh.
Hetuesit folën për një “goditje të ndjeshme” kundër krimit të drogës dhe pritet të japin detaje rreth aksionit të mërkurën, raportojnë mediat lokale. Ministri i Brendshëm i Bavarisë, Joachim Herrmann do të paraqesë detaje dhe sfondin e hetimeve paraprake të mërkurën më 16 maj në ora 12.30 në Mynih, bashkë me zyrtarë nga grupi hetimor.
Për Lajm-shqip
Leonard Xhelili
