Kryetari i Partisë Demokratike, Lulzim Basha, takoi pasditen e sotme banorët e Unazës së Re. Kreu demokrat nuk kurseu akuza ndaj kryeministrit Edi Rama duke e cilësuar si një person të paligjshëm. Ai shtoi se Rama nuk mund të marrë vendime pasi është ilegjitim.
Pjesë nga deklarata:
“Edi Rama ti nuk merr dot asnjë vendim për shqiptarët. Ja i paligjshëm, je ilegjitim. Je po aq legjitim dhe i paligjshëm si kriminelët me të cilët ka marrë pushtetin.
Sot nga unaza kam një mesazh për çdo qytetar, ka ardhur koha që vendimet ti merrni ju, ju duhet të vendosni.Ju duhet të vendosni, siç keni vendosur të nisim së bashku një rrugëtim që na bën bashkë më të vendosur drejt vlerave evropiane dhe drejt Shqipërisë evropiane“, tha Basha.
Kujtojmë se banorët e Unazës së Re protestojnë prej disa muajsh për rrënimin e banesave të tyre.
Visar Quni
09.03.2019
