Kryetari i Partisë Demokratike, Lulzim Basha priti këtë të mërkurë në një takim zv/kryeministrin e Maqedonisë, Bujar Osmani.
Në njoftimin e shpërndarë nga zyra e PD-së thuhet se kreu i PD-së ndau vlerësimin për arritjet e fundit në vendin fqinj.
Basha dhe Osmani takim kokë më kokë, diskutim për integrimin e Shqipërisë.
Këtë vlerësim e dha për avancimin e të drejtave të shqiptarëve, siç është dhe ligji për përdorimin zyrtar të gjuhës shqipe.
Kreu i PD-së tha se kjo është shenjë e emancipimit të politikës e shoqërisë maqedonase dhe meritë e punës dhe unifikimit të faktorit shqiptar atje.
2018 mund të jetë një vit i rëndësishëm për çlirimin e vendeve të rajonit nga krimi, korrupsioni dhe keqqeverisja autokratike, u shpreh kryetari i opozitës.
Duke u ndalur në procesin e integrimit europian, Basha tha se sfidat kryesore mbeten përmbushja e kritereve bazë të Kopenhagenit.
Siç janë zgjedhjet e lira dhe drejtësia e pavarur, raporton top-channel.
Në këtë kuadër, për Shqipërinë rëndësi parësore ka mposhtja e krimit të organizuar me lidhje qeveritare.
Krimi është kthyer në kërcënimin kryesor për demokracinë dhe mirëqënien e qytetarëve.
Gjithashtu edhe një pengesë për avancimin e vendit drejt Europës, theksoi Basha.
www.lajm-shqip.com
