Basha kërkon largimin e qeverisë, bllokohet Kuvendi, PD qëndron. Gramoz Ruçi ka pezulluar vendimet e Kuvendit sapo deputetët e Partisë Demokratike kanë pushtuar foltoren.
Kryetari i PD-së, Basha kërkon largimin e qeverisë, bllokohet Kuvendi, por PD qëndron.
Gjithçka ka ndodhur pas një fjalimi të kreut të PD-së, Lulzim Basha, i cili akuzoi rëndë ministrin e Brendshëm. Vëllai i Fatmir Xhafës, sipas tij është dënuar nga gjykata e Italisë për trafik droge. Basha mbajti një fjalim 10 minutash ku e konsideroi skandal këtë gjë dhe kërkoi largimin e ministrit. Ndërkohë që Basha po fliste, kreu i Kuvendit Gramoz Ruçi ka ndërprerë fjalimin se ka mbaruar koha.
Pas kësaj, Basha u bën thirrje që të vijnë të gjithë deputetët në foltore. Më pas është bllokuar Kuvendi dhe Ruçi ka mbyllur seancën, por PD ka vijuar transmetimet në Facebook të fjalimeve. Në fillim ka folur Basha e më pas ish-kryeministri Sali Berisha, i cili ka deklaruar se Kryeministri Edi Rama, ka mashtruar opinionin publik. Basha i ka bërë thirrje popullit të çohet dhe të rrëzojë qeverinë.
Për Lajm-Shqip
Ylli Pata
