Kryetari i Partisë Demokratike Lulzim Basha, iu është përgjigjur kërkesës së kreut të shtetit Ilir Meta për dialog.
Basha tha se nuk mund të ketë dialog me krimin dhe nuk do të bëhet asnjë hap pas. i tha se në këtë betejë janë të gjithë bashkë për të rrënuar keqqeverisjen dhe krimin.
Presidenti në një takim që pati më homologun e tij slloven kërkoi që kriza në politikë të zgjidhet me konsensus dhe dialog.
Pjesë nga deklarata:
“Unë nuk kam ndërmend të komentoj asnjë deklaratë të Presidentit Meta. Por mund t’ju them se në përballjen me krimin e organizuar dhe një qeverie të kapur në bashkëpunim me krimin e organizuar për të vjedhur zgjedhjet dhe vjedhur paratë e shqiptarëve nuk ka për të pasur asnjë hap pas, por vetëm hapa përpara. Sepse vetëm hapat përpara, largimi i një orë e më parë i Edi Ramës dhe një qeveri e palidhur me krimin e organizuar, e cila zgjidh duart e drejtësisë dhe mundëson zgjedhje të lira dhe të ndershme do ti japë shqiptarëve atë që meritojnë, një parlament dhe një qeveri prodhim i votës dhe vullnetit të tyre dhe jo prodhim i Niçeve, Bajrave dhe Shullazëve me shokë.
Në raport me këtë çështje asnjë hap pas, por vetëm hapa përpara duke nisur me bashkimin e qytetarëve në protestë para Asamblesë së dalë nga vota e krimit dhe jo nga vota e qytetarëve. Nëse të jemi të gjithë bashkë. Kjo është një betejë që na bashkon dhe nuk na ndan.
Kujtojmë se ditën e nesërme opozita do të zhvilloi një protestë përpara Kuvendit në orën 9:00. Nuk dihet ende skenari se si do të zhvillohet protesta”, tha Basha.
Visar Quni
04.03.2019
