Kreu i Partisë Demokratike Lulzim Basha do të mbledhë sot në orën 10:00 aleatët parlamentarë për të përcaktuar datën e protestës.
Takimi do të zhvillohet në selinë blu.
Takimi rreth protestës po zhvillohet me anëtarët e opozitës.
Mësohet se në takim Basha ka thirrur edhe kreun e Partisë Agrare Ambjentaliste Agron Duka.
Opozita do të nisë protestat ditën e rifillimit të punimeve të parlamentit të Shqipërisë, 15 janar 2018.
Pikërisht për të koordinuar veprimet kryetarja e LSI-së, Monika Kryemadhi ka zhvilluar mbrëmjen e së dielës (7 janar 2018) një takim me kreun e PD-së Lulzim Basha në selinë e PD.
Për rreth një orë palët mësohet se kanë diskutuar mbi qëndrimet që do të mbajnë.
Gjithashtu mësohet se në tryezën e bisedimeve ka qenë dhe kryetari i grupit parlamentar të LSI-së Petrit Vasili.
Kanë qenë të pranishëmedhe dy nënkryetarët e PD-së Edmond Spaho dhe Edi Paloka, Sekretari i Përgjithshëm Arben Ristani dhe Sekretari Organizativ Enno Bozdo.
Burimet bëjnë me dije se dy forcat politike si PD dhe LSI kanë programuar takime në rrethe deri në 12 janar.
www.lajm-shqip.com
