Bandat shqiptare kanë arritur në majat e grupeve kriminale në Britaninë e Madhe. Janë të dhunshme, të pamëshirshme.
Së fundi po marrin peng të afërmit e rivalëve. Një taktikë e re e paaplikuar më parë.
Autoritetet policore britanike thonë se me anë të pengmarrjeve po kërkojnë haraç te rivalët, para në dorë, drogë apo kontroll të territoreve.
“Janë kaq të dhunshëm dhe të pashpirt saqë kanë zaptuar edhe bandat tradicionale të drogës në pjesën më të madhe të Britanisë.
Tani po dërgojnë sasi të mëdha parash në vendin e tyre, duke i fshehur nëpër makina, në vende të posaçme”, që u referohet të dhënave të policisë.
“Ju nuk mund ta imagjinoni se sa të pamëshirshëm janë. Disa prej bandave tradicionale janë shkrirë përballë brutalitetit absolut të shqiptarëve.
Këto janë pa dyshim bandat më të pamëshirshme që Britania e Madhe ka parë ndonjëherë. Ata janë të përgatitur të rrëmbejnë rivalët edhe për 200 euro borxh”, thotë Kathryn Holloway.
Komisionere për krimin në policinë e Bedfordshire.
“Rrëmbejnë të afërm të moshuar të bandave rivale për t’i përdorur si haraç. Kjo po i shkakton një dhimbje të madhe koke policisë britanike”, vijon ajo.
Policia ka zbuluar se gangsterët shqiptarë po lëviznin para nga Britania drejt Shqipërisë, në makina të përshtatura posaçërisht.
Agjencia Kombëtare e Krimit (NCA) këtë vit paralajmëroi se “Grupet shqiptare të krimit kanë krijuar një ndikim të profilit të lartë brenda krimit të organizuar në Angli.
Shqiptarët janë pas shumicës së furnizimit të kokainës në të gjithë vendin. Gjithashtu janë të përfshirë në trafikimin e qenieve njerëzore dhe prostitucion.
NCA ka kryer 400 aksione kundër veprimtarive të tyre vetëm gjatë vitit të kaluar, duke synuar lavazhet e makinave, bare apo bordello. Ku bandat shqiptare i detyrojnë bashkëatdhetarët e tyre që të punojnë.
