Balla ‘shuplakë’ Alket Hysenit: dil e sqaro njerëzit për pronat.
Ka qenë i ashpër kreu i grupit parlamentar të Ps-së Taulant Balla ndaj kolegut të tij Alket Hyseni. Në mbledhjen e sotme të grupit, Balla ka kërkuar nga deputeti Alket Hyseni, të dalë dhe të sqarojë akuzat duke i thënë : “Dil dhe sqaro publikisht njerëzit për pronat!”
Pak ditë më parë një grua e akuzoi deputetin për grabitjen e një prone në Dhërmi.
Hyseni, përpara se të bëhet deputet ka qenë kryetar i të tmerrshmit DISK, zyrës sekrete pranë kryeministrit.
Ai është shprehur se pronën për të cilën akuzohet e ka shkëmbyer në natyrë.
“Pronën e shkëmbeva në natyrë, gjyqin e fituam 8 herë”, ka thënë Hyseni.
Por kjo përgjigje e tij s’ka mjaftuar për Ballën.
“Dil dhe sqaro publikisht njerëzit”, i është drejtuar Balla.
Vëmendje gjatë kësaj mbledhje të deputetëve socialistë ka marrë edhe çështja e lobimit rus të PD-së.
Porosia e kryeministrit Edi Rama për deputetët ka qenë që të ndjekin me vëmendje këtë çështje.
Ndërkohë, gjatë kësaj mbledhje u është dhënë porosi deputetëve për t’u shpërndarë nëpër zona.
Për Lajm-Shqip
Ylli Pata
