Tri javë më parë banorë të një fshati në Elbasan, do të bllokonin rrugën nacionale. Kjo ndodhi në fshatin Griqan, Njësia Adminisrtrative Labinot-Fushë. Revolta e banorëve ishte ndaj mbylljes së përkohshme të shkollës. Për disa orë rresht e për tri ditë rresht , ata bllokuan rrugën Elbasan-Librazhd.
Balla: – Shpifësit bëjnë fotografi tek shkolla e rikonstruktuar
Bashkia e shpjegoi mbylljen e shkollës, për shkak të amortizimit e ruajtjes së jetës së nxënësve. Për ditët e pezullimit, fëmijët u dërguan në një shkollë tjeter me transport të garantuar. Në një kohë rekord, Bashkia i kreu punimet e rikonstruksionit. Sot, ajo është rihapur. Ja çfarë shkruan , Tauland Balla.
“ Shpifësit thanë para 3 javësh që Shkolla e Menglit do mbyllet. Shpifësit e SHQUP-it thanë që Shkolla do të kthehet në dyqan peshku. Sot shkolla është e hapur dhe priti nxënësit me një pamje tërësisht të re. Faleminderit Bashkia Elbasan dhe sipërmarrësit që kontribuan! Mos qeshni! Por sot, një ndër shpifësit shkoi të bënte fotografi tek shkolla e rikonstruktuar”.
Alfrida Danushi
23.10.2018
