Kundër-sulmi Balla: Ju tregojmë lidhjen e PD-së, me kokainën e Durrësit ! Kreu grupit parlamentar të Partisë Socialiste, Taulant Balla është ndalur sërish sot, tek audio-përgjimi i Agron Xhafajt me Albert Veliun.
Kundër-sulmi Balla: Ju tregojmë lidhjen e PD-së, me kokainën e Durrësit !
Numri dy i Partisë Socialiste, Taulant Balla, ka folur këtë të martë për audio-përgjimin e Agron Xhafajt, nga gazetari Olldashi. Gjithsesi, ashtu si Kryeministri Rama, dhe Balla është i sigurt në pretendimet e tij, se materiali nuk është autentik. Edhe një herë tjetër Balla i bëri thirrje Prokurorisë që të zbardhë sa më shpejt këtë ngjarje. Si dhe të vihen para drejtësisë fajtorët e vërtetë.
Por Balla thotë se pas kësaj ngjarje ka një tjetër të vërtetë të hidhur. Ajo është zbehja e faktit se eksponentë të lartë të PD-së, kanë lidhje me 613 kg kokainë, të kapur në Durrës gjatë muajit shkurt. Ja si u shpreh Balla:
“I kemi bërë dhe i bëjmë thirrje prokurorisë për t’i shkuar të vërtetës deri në fund, të publikojë në një kohë sa më të shpejtë rezultatet, të bëjë ekspertizën dhe të nxjerrë përfundimi. Por ne e dimë që Lulzim Basha në këtë aventurë është futur nga Sali Berisha…Pasi ka të bëjë me 613 kg kokainë të fshehur në banane. Prisni dhe duroni se ditët në vijim do të jenë të rëndësishme lajmet, për lidhjet e personave të akuzuar me rangjet më të larta të PD-së”, tha Balla.
Gjithsesi, sipas Ballës, kjo po e pengon Shqipërinë në rrugën më të rëndësishme, atë të hapjes së negociatave me Bashkimin Europian.
Për lajm-shqip:
Leonard Xhelili
22.05.2018
