Australi, 5 muaj burg shqiptarit, u kap me 123 mijë $ në…

Autoritetet australiane kanë dhënë masën 5 muaj burg, për shqiptarin Ledio Lleshaj, i cili është kapur marsin e këtij viti me 123 mijë dollarë në valixhen e tij.
21-vjeçari Lleshaj së bashku me shokun e tij, Emiljano Mrishaj, udhëtonin drejt Australisë me një valixhe me 123 mijë dollarë brenda. Pakujdesia e të riut duke mos i vendosur emrin valixhes ka bërë që t’i humbasë valixhja dhe punonjësit e aeroportit ta hapin për ta kontrolluar.
Gjetja e një sasie kaq të madha parash, bënë që punonjësit të lajmëronin autoritetet e policisë së Australisë, të cilët i arrestuan dy shqiptarët në flagrance.
Pas verifikimit në banesën e tyre, e cila ndodhej në lindje të Oklahomas, SHBA, u gjetën disa valixhe të tjera dhe fatura transferimi parash me “Western-Union”. Lleshaj i kishte transferuar 28 mijë dollarë familjes së tij në Shqipëri përgjatë një periudhe kohore prej dy muajsh.
I riu shqiptar akuzohet për pastrim parash, përdorim të identitetit fallco dhe përdorimit në 18 raste të dokumenteve falco. Llejshaj u dënua me vetëm 5 muaj burg, ndërsa shoku i tij, Mrishaj, do të dalë para gjyqit në shkurt të vitit që vjen.
Historia
Valixhja nuk kishte shkuar bashkë me shqiptarin dhe kështu Lleshaj u kthye në Melburn bashkë me Emiliano Lrishaj. Lleshaj përdori identitet fals Italian, me emrin Francesco Portulano ndërsa Mrishaj u hoq si përkthyer me emrin, Francesco Portulano.
21-vjeçari është shpallur fajtor për procedurë kriminale pasi ka prerë një biletë avioni me identitet fals. Ndaj tij u ngritën 18 akuza për përdorim të dokumenteve false.
Avokati i tij, Philip Dunn, tha se Lleshaj kishte ardhur në Australi për të kërkuar statusin e refugjatit pasi familja e tij ishte larguar nga Shqipëria, pasi burri kristian kishte probleme nga marrëdhënia me një grua myslimane. Dunn ka theksuar se Lleshaj ishte i përfshirë në skemën e pastrimit të parave dhe se ai ishte vetëm një ingranazh i kësaj skeme.
03.10.2013
Burimi: Shekulli