Athina në flakë: Athina në flakë: Huliganët e AEK dhe PAOK, shkrumbojnë ‘Omonia’ ! Masat vandale të tifozëve kanë shkatërruar shumë makina e kanë thyer xhama e vitrina dyqanesh dhe në Sheshet Karaiskaqi dhe Kanigos.
Athina në flakë: Huliganët e AEK dhe PAOK, shkrumbojnë ‘Omonia’ !
Kanë kaluar veç’se dy muaj nga dita kur ndeshja futbollistike PAOK-AEK nuk përfundoi për shkak të incidenteve. Ndërsa dy skuadrat do të përballen sërish sot, për një tjetër ndeshje të rëndësishme. Atë të Kupës së Greqisë. Gjithsesi, finalja e Kupës së Greqisë, mes AEK-ut dhe PAOK-ut, do të luhet në Athinë. Ndërsa tifozët e dy ekipeve kanë nisur përleshjet në kryeqytetin grek. Sheshet Karaiskaqi dhe Kanigos, janë kthyer në sheshe beteje mes huliganëve të dy tifozerive. Por në ‘arenë lufte’, janë kthyer disa rrugë të Athinës, pranë sheshit Omonia.
Paraprakisht mendohet se disa tifozë nga të dy kampet janë plagosur dhe po marrin ndihmën e parë. Ndërsa janë shkatërruar dhe shumë prona të qytetarëve, si makina të parkuara apo vitrina dyqanesh. Ka mjaftuar një provokim i vogël ndaj tifozëve të parë të PAOK-ut, që mbërritën në Athinë, që huliganët e AEK-ut të kundërpërgjigjeshin.
Policia kishte paralajmëruar më herët se kjo sfidë mund të prodhojë shumë tension dhe dhunë. Ndërsa më kaotike situata mund të shndërrohet pasditen e sotme, kur nga Selaniku pritet të mbërrijnë rreth 200 autobusë me tifozë të PAOK-ut, të cilët pritet të jenë rreth 20 mijë në stadium.
Policia bëri thirrje dhe njëherë për qetësi… Si dhe për të mos iu bashkuar prirjeve të dhunës, të udhëhequra nga huliganë që kanë për qëllim të dëmtojnë imazhin e sportit në Greqi.
Për lajm-shqip:
Leonard Xhelili
12.05.2018
