Kryeqyteti grek Athina mëngjesin e sotëm ishte arenë e një superaksioni të arrestimit të një grupi prej 21 trafikantësh të drogës.
Policia greke shkatërroi një bandë të madhe grabitësish dhe trafikantësh droge. Grupi dyshohet se është përgjegjës për disa vjedhje spektakolare në zonën e Exarchias në Athinë.
Operacioni i gjerë policor u finalizua me arrestimin 21 personave, shumica e të cilëve sipas policisë janë shqiptarë.
Athina, arenë e arrestimeve masive të bosëve të drogës…
Mësohet se superoperacioni policor është zhvilluar orët e para të mëngjesit të së premtes dhe ka përfunduar brenda një ore.
Sipas portalit “Protothema”, synimi i shqiptarëve që trafikonin kokainë dhe kanabis ishte të bëheshin “baronë” në kryeqytetin grek.
Ndërsa sipas portalit të gazetës së përditshme “Kathimerini”: “Policia nuk ka dalë ende më një njoftim për median. Ende nuk ka detaje dhe hollësi të operacionit dhe të personave të vënë në pranga”.
Për lajm-shqip:
Engjëll Serjani
09.03.2018
