29-vjeçarit që iu bë atentat pasditen e sotme në zonën e Bulqizës është Fadil Tërnova.
Ky person është me rekorde të theksuara kriminale.
Atentati ndaj 29-vjeçarit, a ka lidhje me ekzekutimin e biznesmenit?
Një nga krimet më të rënda për të cilat është akuzuar është një vrasje në vitin 2013.
Viktimë mbeti biznesmeni i kromit, 40-vjeçari Shefqet Shehu dhe u plagos vëllai i tij.
Ky i fundit, në vitin 2009, është plagosur më parë edhe nga anëtarë të familjes Tërnova.
Grupi hetimor i ngritur pas atentatit të sotëm ndaj të riut, i cili arriti të shpëtojë, është duke vlerësuar pistën e hakmarrjes.
20 prill 2013
Vritet biznesmeni i kromit, 40-vjeçari Shefqet Shehu. I plagosur mbeti vëllai i tij Vehab Shehu.
Ata u qëlluan në një lokal vetëm 200 metra larg komisariatit të policisë Bulqizë.
I dyshuar është Fadil Tërnova, 25 vjeç, pronar i disa galerive.
Ai u arrestua një orë pas ngjarjes teksa po përpiqej të arratisej në Maqedoni, raporton syri.net.
Gjithçka lidhej me një konflikt të vjetër të ndodhur në vitin 2009, në vendin e quajtur “Pishat”.
Në atë kohë Vehab Shehu është plagosur rëndë me armë zjarri nga anëtarët e familjes Tërnova, edhe pse në lidhje gjaku mes tyre, kushërinj.
Ata kishin qenë bashkëpronarë të galerive deri në 2009 dhe më pas janë ndarë duke nisur konfliktet për rivalitetin e Zonës D.
Fadil Tërnova ishte në kërkim kur kreu vrasjen dhe i dënuar me 8 muaj burg për përfshirjen në plagosjen e Vehab Shehut në 2009.
Pavarësisht krimeve për të cilat është akuzuar, në vitin 2016, Fadil Tërnova është liruar nga gjykata me shërbim prove.
www.lajm-shqip.com
