Artan Hoxha: “Figura e Sandër Lleshit nuk mund të baltoset”
I ftuar në ‘A1 Report’ gazetari dhe analisti Artan Hoxha ko folur për Ministrin e ri të Brendshëm, Sandër LLeshi.
Ai e cilëson Lleshin si një ushtarak shumë të përpiktë dhe me formim gjermanik:
“Nuk do të mungojnë përpjekjet e atyre që punojnë në poçari, për të përbaltur figurën
e Sandër Lleshit. Do të rrëmojnë arkivat si kanë bërë deri më tani për të kallajisur figurën e tij.
Por Sandër Lleshi është figura më e pastër dhe ka një strukturë të duhur për të qenë vetvetja.
Ndaj nuk mund t’i gjejnë gjë”.
Artan Hoxha: “Figura e Sandër Lleshit nuk mund të baltoset”
Gazetari Hoxha ka folur me shumë bindje dhe optimizëm për të ardhmen e Ministrisë së Brendshme dhe potencialit që ky institucion mund t’i ofrojë vendit në duart e një ushtaraku si Lleshi i cili vendos besim te partnerët ndërkombëtarë.
“Ministria e Brëndshme harton strategji dhe vendos besim te partneret tanë. Kemi nje figurë shumë të pastër si Sandri. Traseja është e shtruar dhe pritshmëritë janë shume të mëdha pasi është njeri shumë i besuar edhe nga ndërkombetaret. Nga ky kabinet qeveritar Ramën e pres të largohet por Lleshin kurrsesi, pasi pas një periudhe konfuzioni shteti fillon të funksionojë papritmas në kohë rekord me zgjedhjen e ti si ministër të brendshëm”. ka përmbyllur Hoxha.
Për lajm-shqip:
Fredjana Hamzallari
27.10.2018
