Plagosja në një lokal në Durrës e një shtetasi azerbajxhanas, duket se ka marrë dritë sot në emisionin ‘Opinion’. Gazetari i kronikës: Artan hoxha ka thënë se kjo plagosje ka lidhje me çështjen ‘Armo’. Sipas tij kjo plagosje ka qënë e porositur. Ka patur për qëllim vetëm të friksonte shtetasin azerbajxhanas.
Sipas Hoxhës, policia kishte dijeni për personin që kreu plagosjen.
Megjithatë, ky person nuk u arrestua edhe pse ishte me precedent penal.
“Të plagosurit azerbajxhanas i është fshehur identiteti. Ai ka qënë nën mbrojtjen e policisë në momentin kur u plagos. Por nuk u hodh dritë mbi identitetin e tij dhe shkakun e plagosjes. Ai ishte një përfaqësues nga pjesa azere e kompanisë Ambra, që kontrollonte Armo-n”, tha Hoxha.
“Ai ka thënë se kishte ardhur në Tiranë se i kishin borxh 130 milionë dollar që ishin investuar në kompaninë Armo nga pala azere. Historia u tentua të mbyllej shumë shpejt, nuk u dha informacion.
I plagosuri ishte një njeri i afërt i presidentit azer Aliyej. 75 milion euro janë dhënë kredi nga banka shtetërore e Azerbajxhanit dhe janë investuar tek Armo.”
“Ky shtetas u arrestua në 2012, në qëndër të bllokut. Ky person u lirua brenda 48 orësh kundrejt një garancie 20 mijë euro,”- vijoi më tej Hoxha.
Për Lajm Shqip
Silvi Feimi
