Arsyet ligjore dhe politike pse u la i lirë Fran Frrokaj. Të gjithë të arrestuarit për aferën e tjetërsimit të pronave në bregdet në Lezhë ikën në shtëpi.
Turmat e mbështetësve të kryebashkiakut të Lezhës, Fran Frrokaj gëzuan, brohoritën dhe festuan. I dërguari i Bashës në Lezhë, Belind Këlliçi, deklaroi se arresti në shtëpi është vendim gjysmak.
Pasi ai e konsideroi se “detyrim paraqitja” është vendimi më i arsyeshëm.
Ai solli si preçedent rastin e hetimit për tjetërsimin e tokave në Spille.
Ku kryebashkiaku i Rrogozhinës, gjithashtu ishte lënë i lire, por në hetim.
Gjyqtari që drejtoi proçesin për masën e sigurisë, nuk e sqaroi vendimin e tij.
Në ditët e ardhshme vendimi pritet të publikohet i plotë në dispozitiv.
Megjithatë mediat shqiptare nuk kanë bërë të plotë detyrën por janë marrë me zhurmën e argumenteve.
Pro dhe kundër burgosjes.
Proçesi i Lezhës kishte një ngjashmëri si “dy pika uji” me proçesin “Tahiri”.
Militantë që sulmojnë drejtësinë, mediat dhe mazhorancën.
Në rastin e ish-ministrit të Brendshëm sërish pati militantë që protestonin kundër medias, opozitës dhe prokurorisë.
Me një fjalë politika i bën presion drejtësisë.
Megjithatë, në një sistem normal, hetimi si proces duhet të jetë i tillë pa masa apo fryjë jakobiniste.
Qoftë arresti në shtëpi, qoftë detyrim paraqitje, janë masa sigurie normale për çdo zyrtar.
Që ka marrë mbështetje popullore në zgjedhje, siç është rasti Fran Frrokajt apo Saimir Tahirit.
Nëse prokuroria e ka marrë seriozisht hetimin, atëherë nuk mundet dot kush që të prishë provat.
Pasi ata janë marrë në rrugë ligjore.
Problemi është se politika duhet të mbajë të njëjtin standard për hetimet e drejtësisë.
Nëse për rastin “Tahiri” opozita kërkoi që të arrestohet në burg, nuk mundet që të ketë dy standard.
Për një zyrtar të saj të kërkonte që kjo mos të ndodhë.
Edhe nëse ajo i jep atributin vetes të gjykojë se kush është më fajtor Tahiri apo Frrokaj. Nuk i takon politikës të bëjë këtë gjë. Ajo thjesht mban qëndrim.
Dhe qëndrimi në normal do të ishte që politika thjesht të linte të lirë hetimin.
Ndoshta masa e sigurisë, pra arresti apo protesta ndaj arrestit mund të justifikohet.
Pasi kryetari i bashkisë së Lezhës është një person që ka mbi shpinë vullnetin politik të shumicës së votuesve.
Por tani thjesht opozita nuk duhet të flasë, por edhe mazhoranca.
Nuk janë ata prokurorët; ata janë votuar të bëjnë politikë.
Mazhoranca të qeverisë, të administrojë të zgjidhë problemet.
Dhe opozita të kundërshtojë, të kritikojë dhe të paraqesë alternative të ndryshme për qeverisjen.
Investigimi i takon mediave, hetimi zyrtar prokurorisë, kurse gjykimi nëse është shkelur ligji gjykatës.
Gjithsesi, rasti “Frrokaj” duket se do të pasohet nga të tjera që ka shumë gjasë ta gjejë politikën e zënë.
Dhe të papërgatitur që të prononcohet për çdo rast arresti.
Por ka shumë gjasa që gjithë këtë lëmsh ta ketë shkaktuar ministri i Brendshëm Fatmir Xhafaj.
I cili flet shpesh si prokuror, duke folur për atë që do të bëjë përpara se të ndodhin.
Policia e Shtetit ka detyrë që të zbatojë vendimet e Prokurorisë dhe jo të bëjë deklarata.
Të hetojë dhe provat t’i dorëzojë sërish në prokurori. E cila më pas i dërgon në gjykatë, që ajo jep vendim.
Mjafton që “kadiun” mos ta shantazhojë kush, thjesht të mudnësojnë e ndihmojnë që të jetë më i kthjellët …
Për Lajm-shqip
Ylli Pata
