Ditët e fundit po qarkullojnë dy-tri video në të cilat shfaqet një nga kryebashkiakët më të rëndësishëm në Shqipëri, në implikimin e krimit në Shqipëri.
Të ngjashme mund të lexoni:
• Ambasada amerikane i anulon vizën kryebashkiakut Vangjush Dako?
I përfolur për lidhje të forta me krimin ai ka mbetur i paprekur deri më sot.
Zgjedhësit pranojnë se forcimi i pozitave të tij përmes fitores së mandatit të tretë ka shtuar shfaqjen e arrogancës në komunikim. Arroganca shfaqet hapur me zgjedhësit dhe grupet e interesit, po videot që qarkullojnë tregojnë një tjetër realitet. Atë të një njeriu të përulur përballë drogës dhe emrave të njohur të botës së krimit.
Duket se marrëveshja e detyruar me elementë të botës së krimit e ka bërë të ndihet arrogant dhe i pushtetshëm ndaj qytetarëve, por të dobët ndaj të fortëve të botës së errët.
Sot në media u raportua mbi mosdhënien e vizës për udhëtim drejt SHBA-së kryebashkiakut të Durrësit dhe familjes së tij.
Një ditë më parë, më 5 nëntor, delegacioni hollandez i nivelit të lartë nga qyteti i Roterdamit që vizitoi Durrësin nuk e përfshiu në axhendën e takimeve qytetarin nr.1 të qytetit port.
Laku duket se vjen duke u ngushtuar.
Të gjithëve u kujtohet se si Ambasada Amerikane në Tiranë e kishte përjashtuar Bashkinë e Durrësit kur drejtohej nga paraardhësi i Dakos nga axhendat e saj protokollare. Me të ardhur në pushtet, V. Dako menjëherë situata u zhbllokua.
Nisën vizitat në bashkinë e qytetit si për të treguar që pushteti vendor po drejtohej nga një administrator me vlera. Vlerësim pozitiv ndaj tij pati në të gjithë qytetin, pavarësisht fitores me rivalin demokrat në garën për mandatin e parë.
Gara për mandatin e dytë dhe lidhja e ngushtë që krijoi te kryesocialisti Rama e çimentuan fitoren e tij. Bashkë me të, erdhën dhe ngjyrat e arrogancës së lidhjeve të errëta.
U kthye në i gjithëpushtetshëm e bashkë me këtë fakt rriten dhe dozat e arrogancës.
Nëse do të punësohesh në Durrës, jo vetëm në bashki, po dhe në OSHEE, Ujësjellës, Spital e kudogjetkë duhet të kesh mik Dakon, ose t’i gjesh anën.
Situata u përmbys, duke e kthyer, te pakten de facto, bashkinë e Durrësit sërish në listën e zezë të institucioneve që drejtohen nga persona që përfliten haptazi për lidhje me krimin.
Ndërkohë videot që qarkullojnë, ende jo publikisht, mbartin dëshmi të kapjes së pushtetit nga krimi. Një dorë anonime i ka hedhur ato në qarkullim të kufizuar, po deri kur?!
Për Lajm-Shqip
V.Q
