Arrestohet në Lezhë, shqiptari i dënuar me 22 vjet burg, në Itali…I dënuar i me22 vjet burg në Itali, është arrestuar nga policia shqiptare sot, në Lezhë. Ai quhet Artan (Festim) Abedini, 38 vjeç. Abedini ishte shpallur në kërkim ndërkombëtar.
Arrestohet në Lezhë, shqiptari i dënuar me 22 vjet burg, në Itali…
Gjithsesi, policia e Lezhës njofton, se ka bërë të mundur arrestimin e shtetasit Artan (Festim) Abedini. Abedini është i dënuar në Itali me 22 vjet burg për trafik ndërkombëtar të drogës. 38 vjeçari, ishte shaplllur në kërkim ndërkombëtar, nga autoritetet italiane. Pas arrestimit, pritet ekstradimi i tij drejt Italisë ku edhe do të vuaje denimin. Në njoftimin e policisë thuhet se:
Nga forcat policore të Drejtorisë Vendore të Policisë Lezhë, pas një pune të mirëorganizuar, u bë i mundur lokalizimi dhe kapja e shtetasit të shpallur në kërkim, Artan ( Festim) Abedini, 38 vjeç, banues në Malbardhë-Kurbin. Për këtë shtetas, Gjykata e Firences Itali, me vendimin SIEP 503/2015, e ka dënuar atë me 22 vite burg, për veprën penale “Trafik droge”. Parashikuar nga nenet 81 dhe 110 të Kodit Italian, si dhe nenet 73 dhe 74 të ligjit mbi ” Drogat”. Arrestimi i këtij shtetasi u bë provizor me qëllim ekstradimin e tij drejt shtetit Italian.
Ndërsa më poshtë në njoftimin e policisë shkruhet se: Vijon puna për kapjen e personave në kërkim dhe vendosjen e tyre para përgjegjësisë ligjore.
Për lajm-shqip:
Leonard Xhelili
31.05.2018
