Ditën e hënë është arrestuar 22 -vjeçari nga Rusia, Nikita Nearonov, i cili është akuzuar se ka tentuar të çojë drejt vetëvrasjes plot 40 adoleshentë nëpërmjet lojës “Balena blu”. Kjo lojë, e cila u bë virale vetëm disa kohë më parë, konsiston në plotësimin e disa detyrave për 50 ditë dhe në ditën e fundit, personi që e ka luajtur atë duhet të kryejë vetëvrasje.
Nga niveli 30 deri në 49 duhet të zgjohen çdo ditë për të shikuar video, dëgjuar muzikë dhe prerë pjesë të ndryshme të trupit dhe biseduar me balenën.
Niveli i 50 është varja, hedhja nga dritarja, shtrirja mbi një hekurudhë treni hedhja nga lartësi të ndryshme. Disa prej akteve të tmerrshme janë shikimi i filmave horror, zgjimi në orët e vona të natës, dëmtimi i vetvehtes dhe me çdo ditë që kalon detyra që duhet të përmbushen bëhen edhe më të vështira.
Arrestohet krijuesi i lojës ‘Balena blu’, dënohet me …
Kanë qenë të shumtë adoleshentët të cilët kanë përfunduar të vrarë nga kjo lojë mjaft e rrezikshme. Nikita ka deklaruar se adoleshentët janë të këqinj dhe ata nuk e meritojnë që të jetojnë. Ai është akuzuar nga 10 njerëz, ku dy vajza prej këtyre rasteve, kanë shpëtuar. Policia ka deklaruar se për 8 rastet e tjera, nuk dihet ende nëse viktimat janë gjallë apo kanë vdekur. Nëse ai shpallet fajtor, Nikita do të dënohet me 6 vite burg.
Sipas mediave ruse, 22 vjeçari vjen nga një familje e mirë dhe ishte në një punë mjaft të paguar në Moskë si një analist financiar.
“Të ishte kurator i grupit të vdekjes ishte hobi i tij”, ka deklaruar policia.
Po ashtu, Nikita akuzohet edhe për trajnimin e organizatorëve të tjerë në lojën vdekjeprurëse. Ai përzgjidhte njerëz nga Moska, por ka gjetur edhe viktima nga rajone të tjera të vendit, si edhe në Letoni e vende të tjera të BE-së.
Për t’i bërë pjesë të kësaj loje vdekjeprurëse, Nearonov komunikonte me viktimat nëpërmjet rrjeteve sociale dhe ai i ndihmonte ata pasi ndiheshin ‘të pashpresë’. Në këto momente, 22- vjeçari po mbahet në paraburgim në Chelyabinsk, duke pritur për përmbylljen e hetimeve.
Për lajm-shqip:
Jorida Fataj
21.06.2018
