Vjedhin një banesë në Divjakë, arrestohen në flagrancë 3 autorët.
Divjakë, arrestohen 3 persona për vjedhje.
Specialistët për Hetimin e Krimeve në Komisariatin e Policisë Divjakë arrestuan në flagrancë shtetasit, Olsi Janko, 29 vjeç, Serxhio Duda, 19 vjeç dhe Regist Vodo, 19 vjeç.
Të tre të rinjtë janë banues në Divjakë.
Arrestimi i këtyre shtetasve u bë pasi gjatë natës në Divjakë, kanë vjedhur banesën e shtetasit A.Z, 62 vjeç.
U sekuestruan në cilësinë e provës materiale 5 orët e vjedhura, 4 celularë, një palë paruke, një kapuç, dhe një thikë.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Vjedhje”.
Për lajm-shqip
Enrik Mehmeti, Vladimir Muçaj
