Tetë shqiptarë janë vënë në pranga nga policia Spanjolle pasi ishin pjesë e një grubi grabitësih. Dyshohet se kanë kryer më shumë se 30 vjedhje ndërtesash në Barcelonë dhe ndër to edhe shtëpinë e yllit të futbollit Luis Suarez.
Arrestohen 8 shqiptarë, grabitën vilën e yllit të Barcelonës
“El Pais” shkruan se agjentët ranë në gjurmët e grupit të shqiptarëve që në tetor, dhe mësohet se ata vidhnin shtëpi të shtrenjta larg qendrave të qytetit dhe për këtë përdornin makina të vjedhura, ose ecnin në këmbë për orë të tëra, e prisnin në pyll momentin e duhur.
Sipas policisë, grupi i kapur konsiderohen hajdutë të specializuar pasi merrnin masa paraprakisht dhe zgjidhnin me kujdes objektivin e tyre.
Në janar të këtij viti ata vodhën shtëpinë e futbollistit të Barcelonës Luis Suarez, duke hyrë në vilën e tij në Castelldefels, pa e ditur në fakt se ajo ishte shtëpia e futbollistit, duke vjedhur një sasi bizhuterish me vlerë.
