PRISHTINE – Në orët e vona të mbrëmjes së të mërkurës, janë liruar të gjithë protestuesit e arrestuar, mes të cilëvve, aktivistë të Vetëvendosjes dhe qytetarë të tjerë.
RTK bën të ditur se 66 të arrestuarit dje gjatë ditës në protestën para Qeverisë, janë paraqitur para gjykatës për kundërvajtje dhe që të gjithë janë liruar. Shumica prej tyre janë dënuar me 450 euro gjobë ose 30 ditë burgim.
Ata u arrestuan gjatë përleshjes me Policinë e Kosovës në hyrje të ndërtesës së Qeverisë. Deputet e aktivistët të Vetëvendosjes mësynë godinën e Qeverisë dhe tentuan të hyjnë brenda për të ndalur nënshkrimin e shitjes së Distribucionit të KEK-ut.
Katër aktivistë kanë kërkuar ndihmë në QKUK për shkak të plagëve të marra, ndeisa policia e ka quajtur veprimin e djeshëm si sulm ndaj institucioneve të Kosovës. Edhe Policia thotë se disa nga pjesëtarët e saj kanë pasur nevojë për ndihmë mjekësore.
18.10.2012
Burimi: Balkanweb
Arrestimi, i protestuesve, caktohen nga 30...