Disa politikanë rumunë të akuzuar për korrupsionin kanë zgjedhur arratisjen në vende ku ekstradimi është shumë i vështirë. Këtë herë ishte arratisja e një oligarko-politikani për t’i shpëtuar drejtësisë, Sebastian Ghitas.
Ja si ndodhi arratisja e një oligarko-politikani për t’i shpëtuar drejtësisë.
Sipas Doiçe-Wele-s, kjo praktikë është një model që po përhapet me shpejtësi brenda dhe jashtë Rumanisë.
Gjeniu i industrisë informatike Sebastian Ghitas, njohur si “Enfant terrible”, një vit më parë u largua nga Bukureshti pak orë përpara daljes së urdhërarresti. Ditën e arratisjes mori pjesë me politikanë të lartë në festën e Krishtlindjeve të Shërbimit të Brendshëm Informativ Rumun.
Kundër Ghitas zhvillohen hetime për korrupsion, larje parash, shantazh. Autoritetet rumune e kërkuan atë me urdhër-arresti ndërkombëtar. Në prill të vitit të kaluar Sebastian Ghitta u arrestua në Beograd. Por me një emër të tjetër dhe pasaportë sllovene, ai ndjehej i sigurtë në kryeqytetin serb. Pas gjashtë javësh paraburgim, autoritetet serbe e liruan atë kundrejt një garancie prej 200.000 eurosh.
Por Serbia dhe Rumania nuk kanë marrëveshje ekstradimi. Ndërkohë që para ekstradimit të mundshëm, drejtësia serbe do të vendosë njëherë për hyrjen ilegale në Serbi. Një procedurë që qëllimisht duket se do të marrë shumë kohë. Pasuria e ish-deputetit rumun sipas Doiçe-Vele-s llogaritet në 100 milionë euro. Pjesa më e madhe e fituar nga pajisja e institucioneve shtetërore me teknologji kompjuterike.
Si filloi karriera e ish-deputetit?
Karrierën e tij e filloi në provincë, në qytetin jugor rumun, Ploiesti, po me probleme me drejtësinë për pazare të dyshimta. Vazhdoi ngjijen në karriernën e oligarkut kombëtar. Ngjitja erdhi përmes afrimit me partinë socialdemokrate, PSD. Miqësia me kreun e PSD-së dhe kryeministrin e mëvonshëm, Victor Ponta i siguroi atij kontrata të majme të teknologjisë kompjuterike. Prokuroria rumune dyshon se në pranverën e vitit 2012 ai ka financuar daljen publike të ish-kryeministrit britanik. Sipas komenteve Tony Blair foli në në një miting zgjedhor të PSD-së në Bukuresht.
Si shpërblim ai zuri një vend të mirë në listën partiake për të siguruar karrierën politike edhe në parlamentin rumun. Si deputet ai gëzonte imunitetin parlamentar për të cilin Ghitta ka pasur shumë nevojë. Drejtësia rumune hapo disa proceset kundër tij por imuniteti parlamentar e mbronte. Megjithë problemet me drejtësinë, Ghitta zgjidhet në vitin 2012 sekretar i komisionit parlamentar të kontrollit për shërbimet informative.
Sipas komenteve të Doiçe-Wele-s, në dhjetor 2016 Ghita nuk arrin dot të zgjidhet deputet. Autoriteti antikorrupsion DANN kishte zbuluar parregullsi. Një firmë e kontrolluar nga Ghitta kishte siguruar një porosi milionëshe për sigurimin e kufijve serbë. Kreu i qeverisë së Beogradit ishte presidenti i sotëm, Aleksandar Vuçiç. Presidenti aktual serb Vuçiç mikun e tij Ghitta dhe ish-kryeministrin rumun, Ponta i kishte konsulent personal duke i dhuruar edhe shtetësinë serbe.
Përfshirja e Ghita-s në afera korruptive.
Po ashtu si Ghita edhe Ponta është i përfshirë në disa afera korruptive. Ende Ponta qëndron në Rumani. Një vend nga ku nuk janë larguar vetëm politikanë të nivelit të lartë nga frika e drejtësisë. Edhe ish-ministrja Elena Udrea është arratisur në Kosta Rika. Një detaj interesant: Bashkë me të edhe një ish-prokurore rumune ka gjetur vend në Kosta-Rika. Radu Mazare, ish-kryebashkiaku i qytetit port në Detin e Zi, Konstanta, i dënuar për korrupsion dhe larje parash. Ai është tërhequr si ”investitor” në Madagaskar. Të gjithë këta persona që janë larguar pa frymë nga Rumania kanë një të përbashkët: Ata kanë pasur akses në fondet publike.
Komenti i Doiçe-Wele-s rikthehet tek rasti i Ghitas. Nga ekzili në Beograd, përmes televizionit të tij ai bombardon institucionet që hetojnë kundër tij. Vëzhguesit nuk e përjashtojnë një zhvillim të ri: Ghitta mund të jetë një eksperiment për Pontan. Nëse drejtësia beogradase mund të mbrojë Ghittan nga drejtësia rumune. Atëhere mund të ishte e lehtë edhe për Pontan të presë një vendim të mundshëm të drejtësisë nga ana tjetër e Danubit. (Sipas Doiçe-Wele).
Për Lajm-Shqip
Engjëll Serjani
