Eshtrat e zbuluara në Dragot të Tepelenës mund të mos jenë të ushtarëve grekë, por italianë. Të paktën kështu pretendon arkeologu Etnor Canaj. Përmes një postimi në rrjetet sociale thotë se eshtrat e zbuluara nuk i përkasin ushtarëve grekë. Canaj thotë se duke parë fotot e publikuara të numrit të identitetit është qartë se i përkasin një piloti italian.
Reagimi i arkeologut
Ndërkohë në Dragot të Tepelenës gjetën “Greco-n” e parë (?)
Por:
Medalioni që shoqeronte ushtarin, fatkeqësisht për ata që duan eshtra grekosh, i përket në të vërtetë një parashutisti italian. Më sakt një parashutisti të një Reparti Special i Batalionit San Marco.
Ka ekzistuar një repart special i njohur me siglën “P”
“CAP.LE” është shkurtimi i titullit ushtarak “Caporale”.
– Reparti Speciali del San Marco. Battaglione “P” -(P=PARASHUTIST). Numri është numri i ushtarit dhe shkronja “P” është për Parashutist. Një repart special italian i parashutistëve të Batalionit San Marco.
Mbiemri “Greco” është i perhapur në Itali dhe jo në Elladhi.
Nisja e gërmimeve erdhi pas marrëveshjes së arritur mes Ministrit të Jashtë të Greqisë Nikos Kotzias dhe Ministrit tonë të Jashtëm Ditmir Bushati. Vendimin për nisjen e punës për gjetjen e eshtrave të ushtarëve grekë qeveria e vendit fqinj e ka cilësuar si një moment historik.
Për Lajm-Shqip
Ylli Pata
22.01.2018
