Kanë zbluar së fundmi me ndihmë nga ana e mjekëve profesionistë se vogëlushja e tyre nuk dëgjon. Ajo ka lindur me këtë defekt dhe tani e thonë dhe mjekët grekë. Për ta fshirë këtë defekt të lindur vogëlushja duhet ti nënshtrohet një operacioni të vështirë. Por dhe i kushtueshëm financiarisht. 50 mijë £ është fatura e këtij operacioni. Shumë të cilën çifti i një vajze të vetme Sokrat e Daniela Toska nuk i kanë.
Historia:
Çifti Toska banon e jeton në fshatin Ferëm-Çlirim. Jo shumë larg qytetit të Fierit. Ata jetojnë me pak të ardhura, aq sa ua mundëson ekonomia e tyre në fshat. Nora fëmija, gëzimi i tyre i parë sot është 18 muajshe. Një fëmijë simpatik dhe i mbarë, por me një defekt të lindur që nuk është problem i vogël. Si për vogëlushen që po rritet ashtu dhe prindërit e saj.
Ajo nuk dëgjon. Mos dëgjimi i zgjatur në kohë i “rrëmben” vajzës dhe të folurën thonë prindërit që i referohen mjekëve. Sokrati së bashku me bashkëshorten tregojnë shqetësimin e tyre duke thënë se e kanë mësuar “sikletin”e vajzës pas 4 muajsh. Kemi bërë vizita pa fund vijojnë bashkëshortët në Fier dhe Tiranë. Por mjekët e këtushëm nuk mundën të gjejnë diagnozën e t’i jepnin zgjidhje problemit të vajzës së tyre aktualisht 18 muajëshe.
Me sakrificë të madhe menduam të shkojmë në Greqi,vijon rrëfimi. Me njohje dhe miq u drejtuam një klinike private me personel të specializuar dhe raste të tilla të trajtuara prej tyre.
Problemi:
Që të kryhet ky operacion fatura financiare për të gjitha seancat mjeksore dhe operacioni shkon në shifrën 50 mijë £. Shumë të cilën bashkëshortët nuk e kanë. Ata i drejtohen Ministrisë së Shëndetësisë, biznesit, njërëzve të thjeshtë të ndihmojnë rastin. Për këtë qëllim kanë ekspozuar një numër llogarie në Tirana Bank. Prindërit e vogëlushes gjatë ditës së sotme do i drejtohen dhe ekraneve televizive për një sensibilizim më të madh.
Përfundimi.
Vajza pas operacionit të vështirë, por të garantuar nga mjekët do të ketë një mikroaparat në brëndësi të aparatit të dëgjimit. Aparat të cilin do ta ketë pjesë të trupit gjithë jetën. Ky aparat nuk prish estetikën e vajzës pasi ai nuk do jetë i eksozuar në pjesën e jashtëme. Pas këtij operacioni dëgjimi është i garantuar, kanë thënë mjekët helen.
Për Lajm Shqip
Vladimir Muçaj
