Antraksi i lopëve në Peqin e Cërrik, nuk ka vaksina. Duket se antraksi nuk është më paralajmërim për konsumatorët e mishit në Elbasan. Ai është ulur “këmbëkryq” në tufat e lopëve të kësaj nënprefekture.
Antraksi i lopëve në Peqin e Cërrik, nuk ka vaksina.
Të paktën dy Bashki janë prekur nga sëmundja e antraksit, Peqini dhe Cërriku. Sipas specialistëve, në fshatin Çelhakaj të Peqinit, katër lopë kanë qenë të prekura nga sëmundja e antraksit (plasja). Pak kohë më parë veterinerët kanë përcaktuar kafshët e infektuara dhe i kanë groposur. Mjekët veterinerë pohojnë se vaksinimi tek kafshët e shëndetshme kryhet një herë në vit. Po sipas tyre, kur kafshët nuk janë të shëndetshme ky vaksinim do të bëhet 3 herë në vit.
Kërkesat për vaksina janë bërë nga instuticionet veterinare. Por, ato akoma nuk kanë ardhur nga importi i farmacisë veterinare. Një situatë e tillë është edhe më e rënduar në qytetin e Cërrikut. Në këtë Bashki, prej disa vitesh nuk është bërë vaksinimi kundër antraksit. Edhe vaksinat kundër brucelozës janë bërë me shkëputje. Sipas specialistëve, arsyeja e rishfaqjes së antraksit mbetet mungesa e vaksinimit. Një situatë e tillë krijon premisa serioze për infektimin edhe tek konsumatorët e mishit.
Për Lajm-Shqip
Alfrida Danushi
