Analizë, Turqia me shifra përjeton bum ekonomik. Nëse referohesh në të dhënat e Entit Statistikor të Ankarasë, Turqia është duke përjetuar një bum të madh ekonomik.
Ekonomia turke, sipas të dhënave zyrtare, në vitin 2017 u rrit me 7.4 për qind, krahasuar me një vit më pare.
Një vit më parë rritja ekonomike ishte 3.2 për qind. Ky nivel sipas analistëve ishte pasojë e përpjekjes së dështuar të grushtit të shtetit kundër Presidentit Rexhep Tajip Erdogan.
Referuar shifrave zyrtare, ndonse në gjendje të jashtëzakonshme dhe me problemeve të shumta, ekonomia turke rritet më shpejt se ajo kineze.
Nëse të dhënat zyrtare nuk janë të përpunuara Turqia raporton për rritje ekonomike që i tejkalon kinezët. Ekonomia kineze e dytë në botë, vitin e kaluar kishte një rritje prej 6.9% krahasimisht me një vit më parë.
Sipas Dë, ministri i Ekonomisë Nihat Zeybekci u shpreh entusiazt dhe përshëndeti këto të dhëna. “Ky është një “sukses spektakolar”, me të cilin Turqia ngrihet në krye të vendeve të G20”, u shpreh Zeybekci.
Turqia ka arritur një rritje të fortë ekonomike megjithë tensionet e mëdha politike me partnerët kryesorë tregtarë si Gjermania. Zyrtarët turq flasin përr rritje dhe bum ekonomik, pavarësisht rënies së të ardhurave nga turizmi.
Por shumë analistë perëndimorë mendojnë ndryshe, argumentojnë ndryshe dhe dyshojnë në vërtetësinë e shifrave.
Analizë, Turqia me shifra përjeton bum ekonomik.
Gjendja e jashtëzakonshme që vazhdon pas përpjekjes së grushtit të shteti, pengon gjithashtu shumë investitorë. Gjithashtu edhe kursi i këmbimit të monedhës së monedhës vendase lirës është në rënie. Kursi i këmbimit të lirave turke për herë të parë këtë javë ishte një dollar për katër lira. Krahasuar me euron lira ka një kurs rreth një me pesë. Një vit më parë një euro këmbehej vetëm 3.70 lira.
Sipas analistëve, zhvlerësimi i monedhës i bën eksportet turke më tërheqëse. Por ndërkaq kjo kompesohet pasi importet bëhen më të shtrenjta. Për të ringjallur ekonominë qeveria turke po investon shumë në projekte shtetërore ndërtimi. Borxhi i jashtëm i shtetit ka aritur së fundmi në nivelin më të lartë të 15 vjetëve.
Shumë ekonomistë, përfshirë edhe ata turq, dyshojnë që statistikat zyrtare pasqyrojnë gjendjen e vërtetë të ekonomisë turke.
Për Lajm-shqip
Engjëll Seriani
