Ambasada e ShBA-së në Tiranë ka reaguar në lidhje me kokainën e kapur,e cila vlerësohet në 180 milionë euro me çmimin e tregut, kjo tregon që trafiku është rritur.
Ambasada thekson se është një tregues pozitiv i vigjilencës së policisë. Por sipas tyre është edhe një shenjë shqetësuese se trafikimi i kokainës dhe drogave të tjera është në rritje.
“Ambasada e Shteteve të Bashkuara dhe Administrata Anti-Drogë e Shteteve të Bashkuara (DEA) përgëzojnë Policinë Shqiptare të Shtetit për kapjen e 614 kilogramë kokainë kolumbiane dje në Durrës.
Kjo është sasia më e madhe e kokainës apo heroinës që është kapur prej vitesh.
‘Kokaina e kapur, shenjë që trafiku është rritur’- citon Ambasada e SHBA-së.
Është një tregues pozitiv i vigjilencës së policisë, por edhe një shenjë shqetësuese se trafikimi i kokainës dhe drogave të tjera është në rritje.
Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar trafikimin e drogave në Shqipëri dhe për të arrestuar personat përgjegjës,”*- thuhet në deklaratë.
