Alpinistët e Elbasanit ngrenë ‘shtëpinë’ në Malin e Shebenikut
Alpinistët e Elbasanit
Mbi bardhësinë e dëborës, të apasionuarit pas alpinizmit në Elbasan kanë ngritur ‘shtëpinë’ në Malin e Shebenikut
Bashkë me përfaqësues të ADZM-së organizuan ngjitjen në majën më të lartë, atë të Raducit, 2070 metra mbi nivelin e detit.
Nuk ka qenë vetëm udhëtim turistiko-sportiv.
Grupi alpin është ndaluar në memorialin e atdhetarit, Reiz Lila, delegat i Kongresit të Manastirit.
Ai do të vritej në vitin 1915-të nga serbët, varrimi i të cilit është bërë në këto bjeshkë.
Është hera e parë, që alpinistëve të rritur u bashkohen edhe një grup fëmijësh 12-vjeçarë.
Parku Kombëtar Shebenik-Jabllanicë
Parku Kombëtar Shebenik-Jabllanicë është shpatmali më piktoresk në vargmalet Jabllanicë -Belicë.
Por, tepër i thepisur dhe i mbuluar më borë që nga muaji nëntor i çdo viti.
Ai mbetet i vizituar në çdo stinë të vitit dhe për më tepër që është rritur mjaft bukuria natyrore dhe ajo shtazore.
Prej kësaj zone alpine rrjedhin dy lumenj dhe shumë burime ujore që i shtojnë bukurinë shpatmaleve.
Po ashtu, në Park gjenden afro14 liqene ujoro-akullnajore, të cilat mbushen më tepër në dimër.
Ekipi i AST-Elbasanit, edhe herë të tjera, në bashkëpunim me ata të kryeqytetit, kanë organizuar këtu mjaft ekspedita.
Për Lajm Shqip
Alfrida Danushi
