Alket Rizai nga burgu mohon autorësinë për vrasjen e supermafiozit grek.
Pas ekzekutimit të supermafiozit grek Vasilis Stefanakos, mbrëmjen e të mërkures në Athinë policia greke akuzoi shqiptarin Alket Rizai.
Stafanakos njihet për lidhjet e tij me të burgosurin e famshëm shqiptar Alket Rizai dhe kjo është arsya e dyshimeve të policisë greke.
Rizai nga ana e tij, nga burgu mohoi të kishte gisht, apo të ishte porositës për asgjesimin e tij.
Ndërkohë Stefanakos ishte dënuar si porositësi i një vrasjeje që kishte kryer Rizai.
Alket Rizai mohon vrasjen e supermafiozit grek Vasilis Stefanakos
Të dy kanë bashkëpunuar për tentativën e arratisjes me helikopter të Alket Rizait dhe të mafiozit tjetër grek Vasilis Paleokostas.
Vasilis Stefanakos është një person i njohur i botës së krimit në Greqi. Ai u vra nga persona të panjohur me breshëri automatiku ndërsa ndodhej në makinën e tij të markës BMW.
Sipas dëshmitarëve okularë, autorë të vrasjes janë dy persona që u shfaqën në një motoçikletë të bardhë, iu afruan makinës së 57 vjeçarit dhe hapën zjarr.
Duket se lëvizja e gabuar e viktimës, për të dalë nga makina e blinduar, ka qenë fatale.
Stefanakos, është cilësuar nga mediat greke si një nga krerët e mafies greke. Ai kishte dalë nga burgu para disa kohësh, duke përfituar nga dispozitat favorizuese të një ligji që u miratua kohët e fundit.
Për lajm-shqip:
Engjëll Serjani
19.01.2018
