Presidenti i Serbisë, Aleksandar Vuçiç, sonte është takuar me senatorin amerikan, Ron Johnson.
Gjatë këtij takimi të dy janë pajtuar se durimi dhe fleksibiliteti zgjidhin të gjitha çështjet në rajon. Gjithashtu përmirësojnë marrëdhëniet në mes Beogradit dhe Prishtinës.
Vuçiç ka kërkuar nga senatori amerikan që të ndihmoj në stabilizimin e rajonit duke i kërkuar shqiptarëve të Kosovës të jenë të gatshëm për zgjidhje të mirëfillta.
Aleksandar Vuçiç ka kërkuar kompromis ndaj kosovarëve.
“Diskutimet me senatorin amerikan ishin kuptimplota, gjithëpërfshirëse dhe të ndershme”, ka thënë Vuçiq.
Ai shtoi se kanë diskutuar rreth katër temave: marrëdhëniet dypalëshe, situata në rajon, marrëdhëniet në mes Beogradit dhe Prishtinës dhe mbështetja ndaj Serbisë në rrugën e saj drejt BE-së, përcjell.
Ndërsa, Johnson ka thënë se marrëveshjet duhet të jenë të favorshme për të gjitha palët.
“Çdo marrëveshje duhet të jetë në favor të gjitha palëve, duhet marrë parasysh të ardhmen e të gjithëve.
E kaluara nuk mund të harrohet. Popujt e Ballkanit duhet të falin sado e vështirë që të jetë dhe të shkohet drejt një të ardhmeje të begatë”, ka theksuar senatori amerikan.
www.lajm-shqip.com
