Alarmi: 20 % e votuesve shqiptarë ‘shesin dhe blejnë’ votën çdo zgjedhje…Komisioni i reformës Zgjedhore zhvilloi sot mbledhjen e radhës! Pjesë e debatit u bënë akuzat e opozitës për blerjen e votës, duke kërkuar votim dhe numërim elektronik.

Alarmi: 20 % e votuesve shqiptarë ‘shesin dhe blejnë’ votën çdo zgjedhje…

Në mbledhjen e radhës, së Komisionit të reformës Zgjedhore, pjesë e debatit u bënë akuzat e opozitës për blerjen e votës. Gjithsesi, opozita ka kërkuar votim dhe numërim elektronik. Ndërsa eksperti i KIE, Quentin Reed, tha se 20% e shqiptarëve janë përfshirë në tentativa shitblerje vote. Ja si u shpreh Reed:

Duhet të luftohet mendësia e dhënies së votës si detyrim moral, për një shërbim që i është bërë, ose dhënies së gjërave në shkëmbim në avancë. Sondazhet tregojnë se 20% e shqiptarëve janë përfshirë në tentativa shitblerje vote. Në Shqipëri janë 5-6 mekanizma. Shpërndarja e parave e mallrave në zonat e varfra. Së dyti premtimi për punë në sektorin publik. Fenomen dominant në Shqipëri. Së treti, është pagesa për pjesëmarrje ose jo në votim duke ju marrë kartën e identitetit. Së katërti, përdorimi i skemës së mbështetjes sociale për fushatë dhe blerje vote. Fshirja e borxheve të dritave dhe ujësjellësit është një mënyrë tjetër. Duhet te ndalohet përdorimi i dhënies së shkëmbimeve. të ruhet fshehtësia e votës dhe të ndërgjegjësohen njerëzit”, tha Reed.

Ndërsa deputeti i opozitës, Oerd Bylykbashi, tha se:

“Votimi elektronik redukton blerjen e votës. Mos dënueshmëria e kësaj vepre, e bën të pavlerë masën. Deri më sot nuk ka asnjë dënim për blerjen e votës. Ndaj jepet mesazhi se të gjithë mund të bëjnë ç’të duan në këtë drejtim. Për ne kjo çështje është thelbësore. Duhet vullnet kryesisht i mazhorancës”, tha Bylykbashi.

Për lajm-shqip:

Leonard Xhelili

12.06.2018