Aktorja e filmave për të rritur, Stormy Daniles ka vendosur të padisë Presidentin e Shteteve të Bashkuara të Amerikës, Donald Trump. Shkak duket se është bërë një postim i Trumpit në Twitter . Ai ironizoi me deklaratat e aktores se ndihej e kërcënuar, duke i cilësuar ato si “një punë mashtruesish”. Padia e dorëzuar nga Stormy Daniels në gjykatën federale të Manhatanit, përshkallëzon më tej raportin mes palëve.
Skandali shpërtheu pak ditë më parë pasi aktorja e filmave me “pullë të kuqe”, Stormy Daniels rrëfeu se në 2011-ën kishte pasur një “natë të zjarrtë” me Donald Trump. Më vonë u raportua edhe se miliarderi kishte paguar pornostaren me 120 mijë dollarë për t’i blerë heshtjen. Stormy nuk ishte e para. Donald Trump ka pasur një sërë historish me një sërë modelesh të Playboy-t dhe pornostare.
Një tjetër aktore, Jessica Drake ka thënë se u ftua në dhomë nga Trump gjatë një turneu golfi në Nevada. Aktorja ka rrëfyer gjithashtu se nuk ishte në gjendje të shkonte e vetme me Donald Trump, ndaj “mori edhe dy femra të tjera me vete”.
Aktorja e filmave porno padit Trump-in, e ka kërcënuar me jetë për …
Para disa muajsh, aktorja e filmave për të rritur pretendoi se kishte pasur një marrëdhënie seksuale me presidentin e SHBA-ve, ndërsa heshtja e saj ishte paguar plot 130 mijë dollarë nga avokati i Trump, Michael Cohen. Ky i fundit është duke u përballur në gjykatë me këto akuza, ndërsa pak ditë më parë Stormy deklaroi se ishte kërcënuar me jetë nga një profil anonim në rrjetet sociale.
Për lajm-shqip:
Jorida Fataj
