Një aksident i rëndë rrugor rezultoi fatal për një grua shqiptare. Ajo vdiq në vend kur makina BMW e drejtuar nga burri i saj u përplas me një kamion, në Pieve San Giacomo, Cremona.
Ky aksident ndodhi në kryqëzimin i cilësuar si “i mallkuar” në Gozzo, ku kanë ndodhur edhe më parë përplasje fatale.
Viktima Amantia Sula, lindur më 1982, ishte gruaja e majorit të karabinierëve Claudio de Leporini, i cili u plagos rëndë në aksident dhe tani ndodhet në spital, jashtë rrezikut për jetën.
De Leporini njihet si një nga oficerët më të mirë të karabinierëve. Ai është transferuar në Cremona rreth një vit më parë, pas gjashtë vjetëve në Valtellina, shkruan Syri.net.
Në fillim të dhjetorit, ai drejtoi operacionin “Night Terror”, i cili i dha fund bandës së gjashtë hajdutëve shqiptarë që ishin autorët të 53 vjedhjeve e grabitjeve në zona të ndryshme të Italisë Veriore.
11.01.2018
