Një hajdut ordiner ka ditur të piketojë për të përfituar një shumë lekësh. Hajduti i merr lekët poshtë jastëkut në kohën që 87 vjeçarja ka qenë në gjumë. Është turrur në shtëpinë e një fqinje ku kishte vetëm një person.
Një 87 vjeçare, ka qenë në gjumë, kur dy duar janë futur lehtë poshtë jastëkut të saj. Një 29 vjeçar, ka marrë prej banesës së saj, një sasi të konsiderueshme lekësh.
Burimet e policisë së Librazhdit, bëjnë me dije se është ndaluar një i ri.
Hajduti i merr lekët poshtë jastëkut kur 87 vjeçarja ishte në gjumë.
I njëjti burim saktëson se është arrestuar, Fredi Kiptiu, 29 vjeç, banues në fshatin Xhyrë, Librazhd. Ngjarja, sipas policisë ka ndodhur para 4 ditësh. Pas hetimit, policia ka mundur ta ndalojë autorin ditën e sotme. Ai dyshohet të ketë vjedhur një sasi parash në banesën e F.K, 87 vjeçe. Në ngarkim të 29 vjeçarit materialet i kaluan Prokurorisë së Rrethit Gjyqësor Elbasan. Mbi të rëndon akuza e veprës penale “Vjedhje”.
Për Lajm-Shqip
Alfrida Danushi
