Hulumtim parazgjedhor: DPS humb Tuzin me 12 këshilltarë, partitë shqiptare 14. Në Mal të Zi do të mbahen zgjedhje lokale, më 26 nëntor. Në trevën e Malësisë do të garojnë nëntë lista, tri nga ato janë subjektet shqiptare, ASH, UDSH dhe LDSH.
Sikur mund të vërehet , kanë filluar përgatitjet, gjegjësisht për këto zgjedhje.
Çdo subjekt në mënyrën e vet përdor metoda për të konstatuar pozicionin apo edhe besimin që kanë ndër votës. Disa përdorin edhe hulumtime. Këto më së shumti i bëjnë subjektet qytetare, sepse kostoja e tyre është shumë e madhe.
“Lajm-Shqip” ka arritur, që përmes burimeve të sigurta të ketë në përdorim një hulumtim të realizuar para disa ditëve. Ky hulumtim u realizua në Tuz, nga një kompani prestigjioze nga Podgorica.
Ja rezultatet e këtij hulumtimi për Malësinë:
Sipas këtyre hulumtimeve lista më e fortë del PDS, me 12 mandate. Pasohet nga Alternativa Shqiptare me 10 mandate. Dy mandate në këto zgjedhje do t’i fitonin LDSH, UDSH dhe Demokratët. Nga një mandat do të fitonin Partia Boshnjake, SDP, SD si dhe SNP. Këtu duhet potencuar që SDP dhe SNP janë në limit për të hyrë në Parlamentin lokal. Sipas këtyre hulumtimeve, DPS me partnerët e vet të deritanishëm, UDSH, SD dhe BS nuk mund të fitojë shumicën në Parlamentin lokal.
Nga Mali i Zi
Për Lajm-Shqip
Kristjan Duka
