Vetingu pritet që shumë shpejt të japë rezultatet e para. 2500 persona janë në verifikim.
Veting kontroll 2500 të afërm të gjyqtarëve dhe prokurorëve.
Komisioni i Kualifikimit është drejt përmbylljes së vendimeve për krerët e institucioneve.
Por teksa gjyqtarët dhe prokurorët mund të kalojnë testin e pastërtisë së figurës dhe të karrierës, procesi i cili mund t’i ngelë është ai i kontrollit të pasurive.
ILDKP, për emrat prioritarë, i ka dorëzuar prej javësh dosjet.
Ndërkohë mësohet se po shkohet drejt fundit për gjyqtarët dhe prokurorët e tjerë, kryesisht të gjykatave të shkallave të para.
Por një rëndësi e madhe po iu kushtohet familjarëve të gjyqtarëve dhe prokurorëve.
Bëhet fjalë për mbi 2500 persona që janë bashkëshortë dhe fëmijë të 800 gjyqtarëve dhe prokurorëve që po kalojnë në sitë.
Arsyeja kryesore që verifikohen rezulton se banesat, bizneset, tokat dhe pasuri të tjera në rastet më të shumta janë në pronësi të bashkëshortëve dhe familjarëve të gjyqtarëve dhe prokurorëve.
Ka edhe raste, kur ata janë në emër të prindërve të tyre.
Për këta arsye ka nisur një verifikim nga ILDKP.
ILDKP ka vënë në lëvizje hipotekat dhe Drejtorinë e Përgjithshme të Pastrimit të parave për të parë me detaje situatën.
Ndërkaq po shihet, nëse pronat kanë ndryshuar pronësi kohët e fundit si dhe nëse janë shitur apo blerë.
www.lajm-shqip.com
