20 milion euro kokainë, kush është shqiptari, babai i dy fëmijëve. Një trafikant droge me iniciale A.M, 44 vjeç me kombësi shqiptare është arrestuar ditët fundit nga Guardia di Finanza e Trentos.
“Ansa” shkruan se shqiptari ishte arrestuar edhe në vitin 2016, gjatë një operacioni kundër drogës, ndërsa udhëtonte si pasagjer me një shtetas tjetër shqiptar. Në veturë, policia gjeti 93 kg kokainë me një vlerë tregu prej 20 milionë eurosh. Ndryshe nga shoferi i makinës, A.M. megjithatë, u lirua menjëherë nga gjykata e Bolzanos. Guardia di Finanza ka vazhduar të hetojë. Duke u dhënë hetuesve prova të tjera, të cilat i lejonin prokurorit të apelonte rastin në Gjykatën Supreme kundër lirimit të tij.
Tani, pas provave të reja, Gjykata e Bolzanos ka lëshuar një urdhër të ri të paraburgimit në burg, ekzekutimi i të cilit iu besua oficerëve të Trentos.
20 milion euro kokainë, kush është shqiptari, babai i dy fëmijëve…
Procesi
Në fillim të shkurtit të vitit 2016, avokati i shtetasit A.M, arriti të bindte gjykatën, se 44 vjeçari nuk kishte dijeni për lëndën narkotike që ishte fshehur brenda makinës, duke deklaruar se ai ishte vetëm pasagjer i thjeshtë.
Megjithatë, hetuesit vazhduan hetimet për rastin. Gjykata e Lartë tashmë ka vendosur në favor të tyre duke çuar në pranga shqiptarit.
Që nga dita e lirimit të tij, shkruajnë mediat italiane, ai kishte ikur jashtë vendit. Kjo bërë që ndaj tij të lëshohej një urdhër-arresti në nivel evropian. Ai u gjet në Antwerp (Belgjikë) , ku banojnë bashkëshortja dhe dy djemtë.
Bashkëpunimi me Policinë belge, bëri të mundur gjurmimin dhe arrestimin e shqiptarit. Më pas e ekstraduan në Itali ku mbërriti në aeroportin e Linatit (MI) më 22 qershor dhe prej aty u dërgua në burg në Bolzano.
Adenisa Neziraj
28.06.2018
