17 nëntor 2017, çfarë ndodhi në Bulqizë? Po sot një vit më vonë, 17 nëntor 2018? 17 nëntori i vitit 2017 shënoi edhe bilancin tragjik të asfiksimit të 60 nxënësve të një gjimnazi në Shupenzë, Bulqizë. Nxënësit u helmuan nga gazi i çliruar nga kaldajat të cilat u vunë në punë për herë të parë. Ndërkohë një nga nxënësit, gjendja e të cilit u paraqit më e rëndë u transportua me urgjencë me helikopter, nga Bulqiza drejt Tiranës. Kjo ngjarje solli edhe vëmendjen e Ministrisë së Shëndetësisë. Me anë të një njoftimi zyrtar, Ministria e Shëndetësisë lajmëroi se çdo gjë ishte nën kontroll dhe se nxnënësit ishin nën monitorim të vazhdueshëm mjekësor.
17 nëntor 2017, çfarë ndodhi në Bulqizë? Po sot një vit më vonë, 17 nëntor 2018?
Mjeku Shahin Kaja u shpreh se helmimi dyshohej të kishte ardhur si pasojë e dioksidit të karbonit, nga lëndët drusore peletat. Në shkollën në Shupenzë, u ndezën kaldajat me lëndë drusore për ngrohjen e ambjentit, dhe në momentin e ndezjes oxhaku i shkollës ka qenë i bllokuar. Për pasojë tymi u shpërnda në ambjentet e brendshme të shkollës duke shkaktuar ndotje të ambjentit. Ndërkohë, sot një vit më vonë, 17 nëntor 2018 çdo gjë ka ndryshuar. Sistemi i ngrohjes i është nënshtruar një “testimi” nga punonjësit kompetent me njohje të plotë teknike dhe ka rezultuar tërësisht funksional dhe brenda parametrave. Që nga ajo kohë e deri më sot në gjimnazin e Shupenzës nuk ka pasur informacione për incidente të tilla.
Për lajm-shqip:
Erjona Keta
17.11.2018
