14 çështje, ose pyetje të ditës për Prishtinën dhe Tiranën !!!
1-Përse u dashka që Kosova t’i paguajë çmim sovraniteti dhe integriteti Serbisë për njohje. Kjo, kur shtetet e tjera, të ish-Jugosllavisë, nuk i dhanë gjë Serbisë në shkëmbim të njohjes.
2-Përse u dashka që Kosova t’i bëjë kompromise të reja të dhimbshme shtetit, që bëri agresion ndaj Kosovës. Dhe kur kompromiset e dhimbshme kanë marrë fund me planin Ahtisaari.
3-Me çfarë të drejte ndërkombëtare i kërkohet Kosovës t’i japë pjesë nga sovraniteti i vet Serbisë. Këtij shtetit, që humbi luftën në 1999. A i kanë lexuar Prishtina dhe Tirana traktatet e paqes dhe marrëveshjet mes shteteve fituese e të mundura në luftë.
4-Kush ka qenë i mençuri, që i ka mbushur mendjen Prishtinës dhe Tiranës. Kjo, se karrikja në OKB për Kosovën, prioritet më i rëndësishëm se njohja nga Serbia.
5-Përse diplomacia ndërkombëtare nuk i lejoi Serbisë të kërkonte mikroshtete etnike. Këto, serbe në Kroaci, Mal të Zi e Maqedoni. Dhe po e lejon tani me Kosovën.
6-Me çfarë të drejte, zyrtarë të Tiranës e Prishtinës pranojnë të diskutojnë në ndarjen e Kosovës apo coptimin e saj.
7-A duhet të ketë iluzione për bisedimet midis Kosovës dhe Serbisë për marrëveshjen përfundimtare. Kjo, kur udhëheqësit serbë vazhdojnë të shpallin se nuk do ta njohin kurrë Kosovën! Dhe, a nuk është i papranueshëm ky kusht paraprak bisedimesh.
14 çështje, ose pyetje të ditës për Prishtinën dhe Tiranën !!!
8-A duhet të lejohet që Kosova të humbë në paqe atë liri e sovranitet. Këtë, që fitoi me luftë e gjak, dhe me ndihmën e NATO-s në 1999.
9-A kanë të drejtë shqiptarët si komb të vazhdojnë të ankohen për Konferencën e Londrës të vitit 1913.
10-Çfarë fiton Shqipëria dhe kombi shqiptar, nëse Tirana po favorizon lojën diplomatike të Serbisë në dëm të Kosovës.
11- A duhet të pranohet alibia e shtetarëve shqiptarë se duhet të lëshojmë sovranitet dhe integritet, se “na e kërkojnë aleatët”. Dhe a mund të quhen aleatë ata, që sugjerojnë humbje të lirisë dhe të sovranitetit të kombit.
12-A e ka kuptuar Tirana dhe Prishtina se kjo ngutje e Kosovës për marrrëveshjen me Serbinë i leverdis Serbisë. Ka shtatë vjet, që e sjell vërdallë Kosovën në tryezën e bisedimeve në Bruksel, pa iu afruar njohjes.
13-Si harrojnë Prishtina dhe Tirana se në tryezën e bisedimeve me Serbinë duhet të ishte shtruar çeshtja e reparacioneve të luftës. Dhe e pjesës së Kosovës në trashëgiminë ish-jugosllave, që ia ka grabitur Serbia.
14-Si mund t’u besojnë Prishtina dhe Tirana Serbisë dhe udhëheqësve të saj për seriozitet në tryezën e bisedimeve. Kjo, kur Serbia nuk ka shfuqizuar fletëarrestet e saj ndërkombëtare për gjysmën e udhëheqësve të Kosovës.
Lajm-shqip
Nga Shaban Murati
