“100 fshatrat”, projekt turistik dhe historik është një ndërmarrje për të çelur portat e bujarisë shqiptare pas 200 vjetësh.
Në qarkun e Gjirokastrës janë rreth 20 fshatra që përfshihen në projektin e qeverisë për investime prioritare për zhvillimin e turizmit.
Banorët kanë braktisur shtëpitë e tyre, por projekti mundëson që të larguarit dhe banorët e mbetur të përfitojnë nga pronat.
Zona të tëra me pasuri natyrore dhe kulturore, për arsye mbijetese e kanë gjetur zgjidhjen tek largimi. Bëhët fjalë për fshatra me resurse natyrore dhe kulturore që joshin turistët me orgjinalitetin e vlerat unikale që mbartin.
“Një pjesë e banorëve të këtyre fshatrave kanë emigruar, brenda dhe jashtë vendit. Po banesat e tyre mund të çelin portat dhe mund të kthehen në bujtina pritëse për turistë”. Kështu është shprehet Prof. Asoc. Valbona Duri, zëvendësrektore e Universitetit “Eqrem Cabej” në Gjirokastër.
Largimi nga vendlindja për pamundësi të përballimit të jetesën, mund ti rikthejë ata duke krijuar burime të ardhurash, thotë ekspertja.
“Pakesimi numerik vazhdon, por projekte të tilla krijojnë premisa për ripopullimin e zonave të zbarazura në dy dekada”, argumenton zëvendësrektorja.
Ndërkaq edhe pedagogu Dr/doc Gentian Ruspi e vlerëson projektin e “100 fshatrave” si një mundësi për ndalimin e shpopullimit masiv. “Pasuritë kulturore dhe natyrore në këto zona janë mundësi zhvillimi dhe vetë banorët duhet të angazhohen në rijetëzimin e tyre”.
Sipas të dhënave zyrtare qarku i Gjirokastrës pakësohet me 3 mijë banorë për çdo vit dhe shifrat janë shqetësuese krahasuar me periudhat e mëparshme.
“Qeveria, administratë vendore dhe organizatat ndërkombëtare synojnë nxitjen e politikave të zhvillimit rajonal. Këto politika dhe programe kanë për qëllim frenimin e largimin të popullsisë”, nënvizon Dr/doc Gentian Ruspi.
Frenimi i largimeve dhe rikthimi i njerëzve, rikthejnë burimet njerëzore, punën dhe krahun e punës. Burimet njerezore të kualifikuara mund të përballojnë sfidat e zhvillimit. Ky është përfundimi i dy ekspertëve pedagogë të Universitetit “Eqrem Cabej” të Gjirokastrrës.
Për Lajm-shqip
Engjëll Serjani
